أوقات كتير بنلاقي يومنا مليان شغل ومشاغل .. ناس وكلام وحكايات
.. خروج وارهاق .. ضحك وجد
لكن برضه بيفضل فيه حاجة ناقصة .. حاجة كده مش عارفة ايه .. مش
عارفة .. حاجة ولا حد !!؟
فيه ناس وجودهم في حياتنا بيبقى مهم اوى ، وله معاني كتير .. حتى وهما بعيد عن عنينا ..ما هو القدر مش بيدي كل حاجة .. بس برضه بنلاقي نفسنا غصب عننا معاهم .. وبنفكر فيهم .. بنحن لهم
كل واحد فينا عنده اكيد الانسان ده .. اللي موجود ومش موجود. . معانا وبعيد عننا .. ولما ييجي على بالنا بنبنسم ابتسامة ليها معنى جوانا .. حتى لو وسط الناس .. او ماشيين في الشارع بتخرج الابتسامة .
ونقول في نفسنا يا ترى بيعمل ايه دلوقتي .. لسه فاكرني .. باجي على باله
اتصل .. اسأل .. اسلم .. لا .. خليها ذكريات .. وخلينا دايما نقول .. كانت ايام
ليست هناك تعليقات:
إرسال تعليق