فيه ناس المفروض يكونوا هما اقرب الناس لينا ، هما اللي يبقوا في
ضهرنا ، هما اللي يحتوونا ، ونتعلم منهم كتير ،
لكن للأسف بيكونوا هما اقسى الناس علينا ، وما بيجيش الجرح الا منهم .. المتعب اكتر انهم مش بيحسوا بأي ذنب ، ولا حتى بنخطر على بالهم
الناس دي بتولد جوانا اسوأ الاحاسيس ، بتعلمنا البغض اللي أسوأ من الكراهية ، بنعرف معاها وجع القلب
بنسامح ونتسامح كتير ، لكن ساعات بنحاول ومش بنقدر ، قلوبنا من كتر ما هي موجوعة بتبقى مش قادرة تسامح ولا تنسى الاساءة ، مش سواد ، لكن مش بمزاجنا .. المسألة بتكون كأننا بندافع عن نفسنا او بنرد كرامتنا ، مش عارفة .. ، لكن بتبقى مشاعر مش بنقدر نتحكم فيها ، خصوصا لو الناس دي مش حاسة بأي ذنب وعايشة حياتها
